зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
513Е000774_36
Катэгорыя каштоўнасці
Тып каштоўнасці
Месца знаходжання
Магілёўская вобласць, г. Бабруйск, вул. Сацыялістычная, 97
Датаванне
Пачатак ХХ ст.
Стыль
Цагляны стыль
Апісанне
Па адрасе Сацыялістычная, 97 знаходзяцца тры мураваных двухпавярховых будынка.
Адзін - Г-падобны ў плане, накрыты вальмавым шыферным дахам. Усходні і паўднёвы фасады з выразным гарызантальным і вертыкальным чляненнем. Пластыка фасадаў ствараецца руставанымі і гладкімі пілястрамі, паўкалонамі. Ўсе аконныя праёмы прамавугольныя з лучковымі перамычкамі. Прастора другога паверха паміж аконнымі праёмамі аформлена паўкалонамі са стылізаванымі капітэлямі з лякальнай цэглы і пілястрамі. Шырокі прафіляваны міжэтажны карніз дэкарыраваны падваконнымі прамавугольнымі нішамі з геаметрычным арнаментам з цэглы і парэбрыкам.
Другі - прамавугольны ў плане, неатынкаваны будынак. Аконныя праёмы другога паверха прамавугольныя з лучковымі перамычкамі, дэкарыраваны трохчасткавымі замкавымі камянямі, дугавымі сандрыкамі з сухарыкамі. Шырокімі руставанымі плоскімі пілястрамі фасад падзелены па вертыкалі на тры часткі. Аконныя праёмы першага паверха пазбаўлены дэкора, акрамя трох вокнаў у цэнтры будынка, якія дэкарыраваны прафіляванымі сандрыкамі з броўкамі. Фасад завершаны развітым прафіляваным карнізам з сухарыкамі.
Трэці - прамавугольны ў плане, неатынкаваны будынак з двухсхільным дахам. Аконныя праёмы прамавугольныя з лучковымі перамычкамі, аздоблены замкавымі камянямі, броўкамі і сухарыкамі. Вокны першага паверха з падваконнымі нішамі з філёнгамі. Сцяна фланкіравана шырокімі плоскімі лапаткамі, якія на першым паверсе руставаны. Фасад завершаны развітым прафіляваным карнізам з сухарыкамі, па гарызанталі падзелены міжпавярховым поясам з чатырохступенчатымі зубчыкамі.
Сартаваць па