Будынак

Будынак па вуліцы Дзяржынскага, 54  – дом з гандлёвымі памяшканнямі, які быў пабудаваны ў пачатку  ХХ ст. Графічныя матэрыялы (планы і эскізы фасадаў будынка пачатку ХХ ст.) не былі выяўлены. 

Мураваны дом быў пабудаваны на вуліцы1-й Слуцкай, на тэрыторыі, якая адносілася да Слуцкага фарштата. Аўтар праекта невядомы. Будынак быў пабудаваны ў цагляным стыле. на сённяшні дзень захавалася арыгінальнае дэкаратыўна-мастацкае афармленне фасадаў (сандрыкі, лапаткі, карнізы, зубчыкі), якое падлягае абавязковаму захаванню. 

У цяперашні час у будынку знаходзіцца салон оптыкі, тату-салон, крама і атэлье “Портняжка”, крама “Грош”.