Адпраўлена!

Памылка!

Ансамбль былой сядзібы: жылы дом

Цiкавае

Жылы дом у складзе ансамбля былой сядзібы ХІХ ст. у в. Станькава Дзяржынскага раёна Мінскай вобласці

Змест

Звесткі аб каштоўнасці

Шыфр

613Г000144_1

613Г000144

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Мінская вобласць, Дзяржынскі раён, в. Станькава, вул. Паркавая, 10/3

Датаванне

к. XVII - п. XVIII стст.

Стыль

Эклектыка

Апісанне

Будынак жылога дома пабудаваны на мяжы XVII-XVIII стст. На працягу XIX ст. быў рэканструяваны.

Жылы дом - Г-падобны ў плане, з кароткім двухпавярховым і прадаўгаватым аднапавярховым крыламі будынак. Паверхі аддзелены карнізным поясам. Сцяна першага паверха члянёна спічастымі аконнымі праёмамі, другога -- прамавугольнымі. Вылучаецца паўднёвы фасад аднапавярховага аб'ёму, у дэкоры якога выкарыстаны пілястры, прафіляваныя ліштвы прамавугольных аконных праёмаў, сандрыкі.

Першапачатковы выгляд будынка значна адрозніваўся ад сучаснага. Сучаснае двухпавярховае крыло, старая частка будынка, было пабудавана ў стылі барока. Было яно аднапавярховае, з паўкруглымі вокнамі і такім самым парталам, размешчаным па цэнтры доўгага фасада. У першай палове XIX ст. быў дабудаваны другі паверх, зменена форма ваконных праёмаў, разабраны і перароблены ў стрэльчатае вакно партал. У другой палове XIX ст. да будынка было прыбудавана другое аднапавярховае крыло з трыма ўваходамі.

З 1930 па 1961 гг. у будынку жылога дома размяшчалася агульнаадукацыйная школа. З 1961 па 1995 гг. - мясцілася школа ВПК. З 1995 г. створаны цэнтр дзіцячай творчасці Станькаўскай школы-інтэрната.

У сучасны момант выкарыстоўваюцца толькі некаторыя памяшканні будынка.