У Банку звестак захоўваецца сістэматызаваная ў асобных тэматычных раздзелах інфармацыя аб гісторыка-культурных каштоўнасцях.
Кожная гісторыка-культурная каштоўнасць прадстаўлена ў выглядзе электроннага пашпарта, раздзелы якога складаюць інтэрфэйс Банка звестак.
Электронны пашпарт запаўняецца спецыялістамі мясцовых выканаўчых i распарадчых органаў, на тэрыторыi якіх размешчана гiсторыка-культурная каштоўнасць, якiя ажыццяўляюць дзейнасць у сферы аховы гiсторыка-культурнай спадчыны Рэспублiкi Беларусь, і, пасля яго запаўнення, дасылаюць яго на мадэрацыю адміністратарам Банка звестак.
Сістэма забяспечвае адначасовую працу карыстальнікаў з рознымі ролямі ў рэжыме карыстальнікаў і ў рэжыме адміністравання.
Доступ у рэжым адміністравання прадастаўляецца карыстальніку пасля праходжання ім працэдур аўтарызацыі і аўтэнтыфікацыі.
Для таго, каб прайсці рэгістрацыю на сайце, трэба націснуць на кнопку з дзвюма рыскамі ў верхняй правай частцы экрана, альбо на кнопку “зваротная сувязь” у ніжняй частцы экрана, альбо даслаць заяўку на пошту heritage.gov.by@gmail.com. У заяўцы на рэгістрацыю неабходна пазначыць прозвішча, імя, імя па бацьку супрацоўніка, якому адкрываецца доступ, адрас яго электроннай пошты, іншых кантактных дадзеных, па якіх можна аператыўна звязацца з супрацоўнікам.
