Будынак

Дом № 24 — дом Мікалая Марозава. Год пабудовы — 1909. Будынак двухпавярховы з сутарэннямi, прамавугольны ў плане, накрыты двухсхiльным дахам. Сцены не атынкаваныя, завершаныя па перыметры карнiзам з сухарыкамі. Цэнтральная частка галоўнага фасада вылучана неглыбокім рызалiтам, завершаным прамым атыкам, дэкарыраваным аркатурным поясам. Вуглы рызаліта акцэнтаваны лапаткамі. На першым паверсе існаваў дзвярны праём (замураваны да ўзроўню аконнага). Над ім высокі арачны аконны праём у паўабрамленні з замковым каменем і падаконным поясам. Завершана плоскасць рызаліта аркатурным поясам.