Адпраўлена!

Памылка!

Будынак

Цiкавае

Змест

Звесткі аб каштоўнасці

Шыфр

213Г000079_10

213Г000079

Катэгорыя каштоўнасці

без катэгорыі

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк жылой архiтэктуры

Месца знаходжання

Віцебская вобласць, г. Віцебск, вул. Суворава, 30

Датаванне

Канец XIX cт.

Стыль

Эклектыка

Апісанне

Будынак №30 знаходзіцца ў Левабярэжным гістарычным раёне горада па вул. Суворава (былая Афіцэрская). Пабудаваны ў канцы XIX- пачатку XX ст. у стылі эклектыка. Г-падобны ў плане атынкаваны дом з трох самастойных двухпавярховых аб'ёмаў, якія пабудаваны ў розныя часы. Сцены атынкаваны і пафарбаваны, на галоўным фасадзе апрацаваныя пад руст, на першым паверсе больш буйным. Фасадная плоскасць раскрапавана руставанымі лапаткамі. Гарызантальна фасад чляніцца прафіляванымі паяскамі, міжпаверхавай цягай. На першым паверсе прамавугольныя аконныя праёмы ў ліштвах з замковым камнем, падаконнымі нішамі. Прамавугольныя аконныя праёмы на другім паверсе дэкарыраваны ліштвамі з трохвугольнымі і паўцыркульнымі сандрыкамі, падаконнымі філёнгамі. У правай частцы фасада на першым паверсе аконныя праёмы дэкарыраваны руставанымі перамычкамі. Фасад завершаны магутным вянчальным карнізам на дэкаратыўных кранштэйнах і з паяском дробных дэнтыкул. Дваровы фасад патынкаваны, вырашаны плоскасна, без дэкора, члянёны прамавугольнымі і лучковымі аконнымі праёмамі, завершаны шматслойным карнізам.

Дадзены будынак з'яўляецца яскравым прыкладам шэраговай забудовы Віцебска мяжы XIX - ХХ стст.