Фрагменты былой сядзібы Тышкевічаў: рэшткі палаца
Фрагменты былой сядзібы Тышкевічаў: рэшткі палаца
Змест
Звесткі аб каштоўнасці
Шыфр
613Г000230_1
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
XIX ст.
Апісанне
У 1816 г. графам Піей Тышкевічам у лукавіне правага берага Гайны былі закладзены вялікі парк з палацам у стылі позняга класіцызму з комплексам гаспадарчых пабудоў.
Адпаведна інвентару 1844 г. сядзіба ўключала наступныя пабудовы: паварню, лядоўню, хлеў, стайню, пуню, пральню, пабудову для сушкі адзення, жылы дом, лазню, дом садоўніка, летнюю пабудову, карчму, палатняны завод, вадзяны млын і дом на Плешчаніцкай вуліцы.
Пасля смерці Пія Тышкевіча палацавы комплекс належыў яго сынам - вядомым археолагам і гісторыкам краю графам Канстанціну і Яўстафію Тышкевічам. Пры іх маёнтак стаў культурным асяродкам краю.
Канстанцін Тышкевіч (1806-1868 гг.), вядомы гісторык, краязнаўца, адзін з пачынальнікаў беларускай археалогіі, разам з бацькам і братам Яўстафіем (1814-1873) на аснове прыватных калекцый у 1842 г. стварыў у палацы музей старажытнасцей, дзе захоўваліся каштоўныя мастацкія творы, нумізматычныя калекцыі, старажытныя рукапісы і карты. Пазней Яўстафій Тышкевіч перавёз экспазіцыю лагойскага музея ў Вільню, дзе пачаў працаваць першы публічны музей на Беларусі.
У 1920 г. палацавы комплекс у Лагойску быў нацыяналізаваны. У канцы Вялікай Айчыннай вайны сам палац быў узарваны. Ацалелі парк і некалькі гаспадарчых пабудоў. Сёння будынак былой стайні прыстасаваны пад жыллё. Пад жыллё прыстасаваны і будынак былой палатнянай фабрыкі. У будынку былой лядоўні месціцца Комплексная спартыўная дзіцяча-юнацкая школа алімпійскага рэзерву. Будынак былой вартоўні выкарыстоўваецца як гаспадарчая пабудова.
Сядзібны парк - апошні аўтэнтычны элемент гісторыка-культурнага комплекса - з’яўляецца гарадскім паркам адпачынку. На яго тэрыторыі знаходзяцца стадыён і танцавальная пляцоўка.
Доступ да аб'екта