зваротная сувязь
Калі вы заўважылі недакладнасць, ці маеце пытанне - лістуйце:
Комплекс былой сядзібы: парк
Шыфр
312Г000489_2
Катэгорыя каштоўнасці
Тып каштоўнасці
Падтып каштоўнасці
Месца знаходжання
Гомельская вобласць, Лоеўскі раён, аграгарадок Пярэдзелка
Датаванне
першая палова ХІХ ст.
Стыль
Класіцызм
Апісанне
Комплекс былой сядзібы пабудаваны ў пачатку ХІХ ст. у в. Суткоў на правым беразе р. Днепр. Разам з сядзібным домам і флігелем у комплекс былой сядзібы ўваходзіць пейзажны парк агульнай плошчай каля 6 га. Парк добра ўзгоднены з асаблівасцямі тэрыторыі і з'яўляецца прыкладам удалага выкарыстання навакольнага ландшафту. У ансамблі адлюстраваны простыя і выразныя формы эпохі класіцызму. Парадная частка парку мае сіметрычна-восевую пабудову, што было характэрна для пейзажных паркаў. Па падоўжанай планіровачнай восі праходзіць доўгая (больш за 1 км.) і вельмі шырокая (да 15 м.) уязная ліпавая алея. Яна пракладзена сярод вялікага пладовага саду і за кошт сваёй рэдкастойнасці (дрэвы пасаджаны праз 10 м.) спрыяе агляду навакольнай тэрыторыі. Уязная алея выводзіць на вялікі парадны партэр. Паркавая тэрыторыя за палацам абмежавана грэбнем тэрасы і глыбокім ровам з паўночнага боку. у яго фарміраванні выкарыстоўваліся экзатычныя дрэвы. З паўночнага боку за парадным дваром уздоўж тэрасы размешчаны пейзажны парк, абмежаваны з захаду садам і ліпавай алеяй. Да парку прымыкаюць сады, раздзеленыя сеткай грабавых і ліпавых алей, якія разам з паркам і палацам утваралі раней адзіны ансамбль на тэрасе Дняпра. Зараз насаджэнні прынялі выгляд лесапарку з перавагай граба высокай шчыльнасці. У часы Вялікай Айчыннай вайны ў памяшканнях сядзібы знаходзіўся ваенны шпіталь, часам - савецкі, часам - нямецкі, у залежнасці ад таго, якая ўлада была ў вёсцы. Гэта з'яўляецца прычынай наяўнасці на тэрыторыі парка пахаванняў нямецкіх і савецкіх салдат.
Сартаваць па