зваротная сувязь
Калі вы заўважылі недакладнасць, ці маеце пытанне - лістуйце:
Мемарыяльны комплекс "Брэсцкая крэпасць-герой": галоўны ўваход
Шыфр
110Г000004_1
Катэгорыя каштоўнасці
Тып каштоўнасці
Месца знаходжання
Брэсцкая вобласць, г. Брэст
Датаванне
1968 - 1971 гг.
Апісанне
Мемарыяльны комплекс ствараўся па праекце творчага калектыву на чале з Народным мастаком СССР, Лаўрэатам Ленінскай і Дзяржаўнай прэмій, сапраўдным членам Акадэміі Навук СССР, скульптарам Кібальнікавым Аляксандрам Паўлавічам. Урачыста адкрыты 25 верасня 1971 г.
Галоўны ўваход сімвалізуе згуртаванасць народа ў барацьбе з фашызмам. Пяціканцовая зорка ўвасабляе патрыятызм, гонар і доблесць абаронцаў крэпасці.
З боку фасада на сцяне каземата на дошцы з чыгуну бронзавымі літарамі адліты тэкст Указа Прэзідыўма Вярхоўнага Савета СССР аб прысваенні Брэсцкай крэпасці ганаровага звання “Крэпасць-герой”. Гукавое і светлавое афармленні ўзмацняюць эмацыйнае ўздзеянне на наведвальніка.
За Галоўным уваходам, злева, - мемарыяльны знак у выглядзе ліста адрыўнога каляндара за 5 ліпеня 1941 г., прысвечаны подзвігу артылерыстаў.
Тут жа, на каземаце, устаноўлена мемарыяльная дошка з тэкстам на русскай мове: “В годы // Великой Отечественной войны, // в период оккупации 1941-1944 гг., // на территории крепости // фашисты проводили // расстрелы // мирных жителей”.
Праз галоўны ўваход праходзяць наведвальнікі на тэрыторыю мемарыяла, у тым ліку - урадавыя дэлегацыі краін свету, знакамітыя палітычныя дзеячы, дзеячы мастацтва і культуры. У Дзень Перамогі, Дзень Памяці і смутку праз гэты ўваход наведвальнікі і ўдзельнікі мерапрыемстваў праходзяць на мітынг-рэквіемы.
Сартаваць па