руіны касцёла Дзевы Марыі
руіны касцёла Дзевы Марыі
Змест
Звесткі аб каштоўнасці
Шыфр
213Г000965
Катэгорыя каштоўнасці
Тып каштоўнасці
Падтып каштоўнасці
Датаванне
1758 г.
Стыль
Барока
Апісанне
Руіны касцёла Дзевы Марыі з'яўляюцца часткай архітэктурнага комплексу былога кляштара бернардзінцаў у Полацку 1758 г. На сённяшні дзень у склад комплексу ўваходзяць таксама жылы келейны корпус, былая пякарня і гаспадарчая пабудова.
Будынак касцёла Дзевы Марыі (помнік архітэктуры барока) уяўляў сабой аднанефны храм. Галоўны фасад будынка фланкіравалі дзве 4-ярусныя вежы, паміж якімі ўзвышаўся фігурны франтон (фігурны шчыт), аналагічныя шчыты ўпрыгожвалі таксама і фасады трансепта храма. У пластыцы фасадаў быў выкарыстаны класічны ордэр. Унутраны неф храма перакрывала цыліндрычнае скляпенне, над уваходам на двух слупах-пілонах выступалі хоры, на іх і вышэй на званіцу вялі вітыя лесвіцы. Інтэр'еры храма былі багата ўпрыгожаны паліхромнай скульптурай, на хорах размяшчаўся арган на 12 галасоў.
Будынак былога касцёла быў пашкоджаны ў 1930-я гг. - большая частка будынка была разбурана, акрамя алтарнай часткі, і ператворана ў жылы дом.
На сённяшні дзень ад будынку касцёла захаваліся моцна пашкоджаныя фрагменты сцен алтарнай часткі - апсіды храма. Вонкавая і ўнутраная паверхня захаваўшыхся фрагментаў сцен атынкаваная вапнава-пясчанай рошчынай, у якой сустракаюцца гравійныя дамешкі. Па выніках візуальнага агляду ацалелых сцен апсіды храма выяўлена паступовае разбурэнне тынкоўкі і каменнай кладкі ў выніку размарожвання.
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён