зваротная сувязь
Калі вы заўважылі недакладнасць, ці маеце пытанне - лістуйце:
Будынак
Шыфр
113Г000719_10
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1893 г.
Апісанне
Аднапавярховы цагляны жылы дом № 77 па вул. Леніна адзін з найбольш старых будынкаў, які захаваўся да нашага часу. У архіўнай справе на дадзены будынак паказаны год яго пабудовы - 1893 г. Інфармацыя аб першых уладальніках не захавалася. У 1939 г. дом быў нацыяналізаваны. Жыхары горада ўспамінаюць, што падчас акупацыі будынак № 77, а таксама ў суседнія з ім будынкі № 73 і № 79, займалі венгерскія салдаты.
Пасля вызвалення горада ад нямецка-фашысцкіх захопнікаў у 1944 г. у гэтых жа будынках (№ 73, № 77, № 79) размясцілася савецкая воінская часць.
У 1957 г. воінская часць перабралася ў ваенны гарадок, а будынак быў перададзены для выкарыстання пад жыллё.
Вывучэнне старых фотаздымкаў дадзенага будынка пасляваеннага часу, пацвярджае наяўнасць у мінулым двух уваходаў у дом з боку галоўнага (усходняга) фасада. Цяпер адзін з гэтых уваходаў закладзены цэглай, на месцы другога - прамавугольны аконны праём. Фота таксама паказвае, што да сярэдзіны 60-х гг. XX ст. дом быў неатынкаваны і ўяўляў сабой наглядны ўзор так званай "цаглянай архітэктуры", вельмі распаўсюджанай у горадабудаўніцтве ў канцы XIX ст. Будынак ацяпляўся чатырма галандскімі печамі, адна з якіх была размешчана ў мансардзе.
За доўгія гады існавання будынак у архітэктурным сэнсе не зведаў істотных вонкавых змен, за выключэннем аздаблення сцен, замены дахавага пакрыцця, некаторых аконных і дзвярных запаўненняў.
Сартаваць па