Курганны могільнік перыяду ранняга сярэднявечча
Курганны могільнік перыяду ранняга сярэднявечча
Змест
Звесткі аб каштоўнасці
Шыфр
213В000421
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
9-14 стагоддзі
Апісанне
Курганны могільнік перыяду ранняга сярэднявечча - помнік археалогіі, які датуецца 9-14 стагоддзямі.
Размяшчаецца за 0,9 км на ўсход ад вёскі, у лесе справа ад дарогі ў в. Ліпава. Могільнік часткова пашкоджаны лесапасадкамі, таму над паверхняй зямлі малапрыкметны. Складаецца з 35 насыпаў вышынёй 1-3 м, дыяметрам 4-10 м.
Даследавалі ў 1939 г. А.Цэгак-Галубовіч і У. Галубовіч. Раскапана 16 курганоў. У адной з магільных ям знойдзены шкілет дзіцяці ў багатым адзенні, у іншых пахаваннях - гладкія бранзалеты з вузкімі канцамі на правай ці левай руцэ, нажы, крэсіва, сякеры з шырокім лязом, наканечнікі коп’яў. У адным з пахаванняў знойдзены сярэбраны арбскі медальён—імітацыя арабскага дырхема канца Х -- пачатку ХІ стагоддзя.
Таксама абследавалі ў 1972 г. М.А.Ткачоў, ў 1981 г. Л.У.Дучыц. Стан здавальняючы.
Доступ да аб'екта