Адпраўлена!

Памылка!

Абраз "Успенне Маці Божай"

Цiкавае

Змест

Звесткі аб каштоўнасці

Шыфр

422Ж000083

Катэгорыя каштоўнасці

аб'екты нацыянальнага значэння

Глава

Матэрыяльныя рухомыя каштоўнасці

Тып каштоўнасці

Помнік мастацтва Ж

Месца знаходжання

Гродзенская вобласць, Навагрудскі раён, в. Гнесічы, Свята-Елісееўскі Лаўрышаўскі мужчынскі манастыр в. Гнесічы

Датаванне

XVIII ст. 1767(?)

Апісанне

Абраз “Успенне Маці Божай”. Беларуская школа. XVIII ст. 1767 (?). Матэрыял, аснова - палатно. Тэхніка выканання - масляны жывапіс. Памеры абраза да рэстаўрацыі 161x102,5 см, пасля кансервацыйных работ ~168x112 см.

Абраз паходзіць з Навагрудчыны, адным з духоўных цэнтраў якой быў СвятаЕлісееўскі Лаўрышаўскі мужчынскі манастыр. Па пісьмовых крыніцах вядомы з 1262 г. Ён самы ранні па часе заснавання з дзеючых мужчынскіх манастыроў у Беларусь Быў адным з найважнейшых духоўных цэнтраў на беларускіх землях з часу заснавання Вялікага Княства Літоўскага. Першы з беларускіх манастыроў, які, па гісторыка-дакументальных звестках, называлі Лаўрай (XVI ст.).

У адрозненні ад традыцыйнай для праваслаўнага іканапісу кампазіцыйнай схемы, у цэнтры якой знаходзіцца выява Маці Божай на ложку, вакол якога апосталы і Збавіцель з душой Марыі ў выглядзе спавітага немаўляці, на абразе дамінуе фігура Марыі, якая пасля смерці ўвазносіцца на нябесы.

Такое прадстаўленне Маці Божай распаўсідзілася ў каталіцкім жывапісе з часоў Рэнесанса і выкарыстоўвалася беларускімі мастакамі.

Тэхніка выканання-масляны жывапіс. Матэрыял, аснова - палатно. Памеры абраза пасля кансервацыйных работ 168х112 см.