Адзіночны курган перыяду ранняга сярэдневечча

Курганны насып каля вёскі Брожа з’яўляецца матэрыяльным археалагічным і духоўным помнікам. Помнік узнік у Х-ХІІІ стагоддзях і звязаны з пахавальным абрадам плямёнаў дрыгавічоў, якія рассяліліся на тэрыторыі Цэнтральнай Беларусі ў другой палове I тысячагоддзя нашай эры.

Помнік знаходзіцца за 0,8 км на паўднёвы захад ад пасёлка, за 0,4 км на паўднёвы захад ад дарогі Брожа-Макаравічы, за 0,8 км на захад ад чыгункі, у квартальнай просецы, у лесе.

Помнік мае вельмі важнае значэнне для вывучэння гісторыі Бабруйскага раёна, таму што раскопкі курганоў даюць вельмі каштоўную гістарычную інфармацыю аб жыцці сельскага насельніцтва ў раннім сярэднявеччы, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення славянскіх плямёнаў. Самі курганы, насыпаныя праз адно-два стагоддзі пасля хрышчэння Русі сведчаць аб рэлігійным сінкрэтызме - "двухвер'і" людзей таго часу.