Адзіночны курган перыяду ранняга сярэднявечча

Магільны насып каля вёскі Макаравічы з’яўляецца матэрыяльным археалагічным і духоўным помнікам. 

Помнік знаходзіцца за 1,4 км на захад ад сельскіх могілах вёскі Макаравічы, за 0,5 км на паўночны ўсход ад дачнага пасёлка, за 230 м на поўнач ад дарогі ў вёску Казловічы, у лесе.

Абавязковым элементам для захавання выступае сам насып, які выконваў функцыю прытулку для душы, а таксама раўкі вакол насыпу і пахаванне над курганам.

Помнік мае вельмі важнае значэнне для вывучэння гісторыі Бабруйскага раёна, таму што раскопкі курганоў даюць вельмі каштоўную гістарычную інфармацыю аб жыцці сельскага насельніцтва ў раннім сярэднявеччы, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення славянскіх плямёнаў. Самі курганы, насыпаныя праз адно-два стагоддзі пасля хрышчэння Русі сведчаць аб рэлігійным сінкрэтызме - "двухвер'і" людзей таго часу.