Адзіночны курган перыяду ранняга сярэднявечча

Магільны насып каля пасёлка Сялібка з’яўляецца матэрыяльным археалагічным і духоўным помнікам. 

Пры правядзенні абследавання помніка ў 2018 годзе і вывучэнні архіўных і бібліяграфічных дадзеных А. В. Вараненкам, высветлілася што на месцы, дзе павінна знаходзіцца селішча і грунтавы могільнік знаходзіцца адзіночны курган ранняга сярэднявечча.

Абавязковым элементам для захавання выступае сам насып, які выконваў функцыю прытулку для душы, а таксама раўкі вакол насыпа і пахаванне над курганам.

Помнік мае вельмі важнае значэнне для вывучэння гісторыі Бабруйскага раёна, таму што раскопкі курганоў даюць всльмі каштоўную гістарычную інфармацыю аб жыцці насельніцтва ў раннім сярэднявеччы, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення славянскіх плямёнаў. Самі курганы, насыпаныя праз адно-два стагоддзі пасля хрышчэння Русі сведчаць аб рэлігійным сінкрэтызме - "двухвер'і" людзей таго часу.