Адзіночны курган перыяду ранняга сярэднявечча

Магільны насып каля вёскі Гародчына з’яўляецца матэрыяльным археалагічным і духоўным помнікам. Помнік узнік у перыяд Старажытнай Русі, у X-XIII стст. 

Курганны насып аплыўшы, паўсферычны, акруглы ў плане. Вышыня кургана 0,3 м, дыяметр 8 м, задзернавана, парасла хмызняком і дрэвамі, без бачных пашкоджванняў. 

Ахоўная дошка адсутнічае.

Абавязковым элементам для захавання выступае сам насып, які выконваў функцыю прытулку для душы, а таксама раўкі вакол насыпу і пахаванне пад курганам.

Помнік мае вельмі важнае значэнне для вывучэння гісторыі Бабруйскага раёна, таму што раскопкі курганоў даюць вельмі каштоўную гістарычную інфармацыю аб жыцці сельскага насельніцтва ў раннім сярэднявеччы, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення славянскіх плямёнаў. Самі курганы, насыпаныя праз адно-два стагоддзі пасля хрышчэння Русі сведчаць аб рэлігійным сінкрэтызме - "двухвер'і" людзей таго часу.