Андрэеўскі касцёл і званіца

Гісторыя будаўніцтва касцёла засведчана на мармуровай мемарыяльнай дошцы ў інтэр'еры храма. У 1434 г. у в. Кабыльнік (сучасная в. Нарач) намаганнямі свірскага дэкана Ігнація Расалоўскага на фундуш князя Свірскага быў пабудаваны драўляны касцёл. У 1463 г. гэта першая драўляная святыня была кансэкравана. Драўляны храм неаднаразова адбудоўваўся, а ў 1897 г. згарэў. Тады 2 верасня 1897 г. былі закладзены падмуркі новай мураванай святыні. 9 верасня 1901 г. мураваны касцёл асвячоны, а 25 ліпеня 1904 г. кансэкраваны.