Ансамбль былога кляштара піяраў: Свята-Міхайлаўская царква (былы Іосіфаўскі касцёл); кляштарны корпус

Храм-ратонда накрыты паўсферычным купалам з васьмігранным ліхтаром. Да асноўнага круглага ў плане аб'ёму прылягаюць больш нізкія прамавугольныя ў плане аб'ёмы; па восі ўсход-захад – прытвор з чатырохкалонным порцікам на галоўным фасадзе і двухпавярховыя сакрысціі, з поўдня і поўначы – невялікія рызаліты. У афармленні фасадаў і інтэр"ера выкарыстаны дарычны ордэр. Порцік і рызаліты ўвенчаны трохвугольнымі франтонамі. Вокны прамавугольныя. Унутры па перыметры залы размешчаны 8 пар дарычных калон. Па папярочнай восі храма – бакавыя ўваходныя парталы. Сцены апярэзвае спрошчаны антаблемент. Столь размалявана ў тэхніцы грызайль з імітацыяй кесонаў і разетак. Побач з храмам размешчаны аднапавярховы мураваны корпус і званіца.