Адпраўлена!

Памылка!

Ансамбль былой сядзібы: флігель

Цiкавае

Кухонны флігель у складзе ансамбля былой сядзібы ХІХ ст. у в. Станькава Дзяржынскага раёна Мінскай вобласці

Змест

Звесткі аб каштоўнасці

Шыфр

613Г000144_3

613Г000144

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Мінская вобласць, Дзяржынскі раён, в. Станькава, вул. Паркавая, 10

Датаванне

1900 г.

Апісанне

Будынак былой графскай кухні быў пабудаваны ў 1900 г. намаганнямі новага ўладара сядзібы графа Караля-Яна-Аляксандра фон Гутэн-Чапскага (1860-1904), які набыў сядзібу ў 1894 г. ад свайго бацькі графа Эмерыка- Захарыя -Мікалая-Северына фон Гутэн-Чапскага (1828- 1896). Будучы галавой горада Мінска, граф Караль веў актыўную гаспадарчую дзейнасць не толькі ў Мінску, але і ў сваёй радавой сядзібе Станькава. Дзеля зручнасці жыхароў палаца на старых падмурках пабудаваны новы флігель, у якім знаходзілася кухня, кладовая, сталовая для служак. Ежу падавалі ў сталовую залу палаца на цялежках, якія прывозілі па падземным калідоры і падымалі на кухонным ліфце. Унутры кухні некалі знаходзіліся тры варачныя печы.

Пасля вызвалення Беларусі ад нямецка-фашысцкіх захопнікаў кухонны флігель разам з палацам і другімі пабудовамі ансамбля быў спалены. У 1961 г. флігель быў адноўлены і прыстасаваны пад медыцынскі ізалятар школы-інтэрнат. У тым жа 1961 г. да флігеля з яго паўночнага фасаду была далучана невялікая прыбудова тамбура пад аднасхільным дахам. У 2005 г. быў праведзены капітальны рамонт памяшканняў будынка, заменены дах і вокны.