Ансамбль былой сядзібы: гаспадарчая пабудова (кароўнік)

Гаспадарчая пабудова была ўзведзена ў кан. ХІХ ст. з каменю. Выкарыстоўвалася ў маёнтку графаў фон Гутэн Чапскіх, як стойла для хатняй жывёлы - кароўнік, і жыллё наглядчыкаў за жывёлай. Будынак аднапавярховы. Прамавугольнай формы.

Асаблівасцю помніка з'яўляецца аздабленне сцен дробнымі камянямі на вапнава-пясчанай рошчыне, так званая кладка “разынка”, а таксама прафіляваныя цягі карнізаў будынка, зробленныя з чырвонай цэглы. Вуглы будоўлі руставаны блокамі з цясанага граніта, а таксама з гранітных пліт зроблены падваконні і бакавыя стойкі вокнаў. Над аркай  ёсць выбітая на чорным граніце дата заснавання будынка 1897.