Ансамбль Свята-Успенскага манастыра: Успенскі сабор. Дэкаратыўнае аздабленне сабора: роспіс у консе "Спас Пантакратар", арнаментальны дэкор на скляпеннях паўднёвай сакрысціі і ўсіх нефаў, іканастас, бакавыя алтары

Успенскі сабор. Пабудаваны як галоўны храм манастыра базыльян у 1629 - 1671 гг. намаганнямі ігумена Пятра Мімонскага. Помнік архітэктуры стыляў барока / класіцызму. Мураваная 3-нефавая крыжова-купальная базіліка (даўжыня больш за 55 м, вышыня каля 40 м) з паўкруглай апсідай ступеньчатага контуру. 3 паўночнага і паўдневага бакоў да сабора прымыкаюць цэрквы Пакрава Прасвятой Маці Боскай і Раства Іаана Прадцечы. Спачатку сабор быў пабудаваны ў стылі барока. На галоўным фасадзе былі вуглавыя вежы. Пасля рэканструкцыі 1828 г. архітэктура сабора набыла рысы класіцызму: вежы разабраны, зменена форма светлавога барабана і купала, у дэкоры выкарыстаны дарычны ордэр.