зваротная сувязь
Калі вы заўважылі недакладнасць, ці маеце пытанне - лістуйце:
Бескурганны могільнік перыяду ранняга жалезнага веку
Шыфр
113В000179
Катэгорыя каштоўнасці
Тып каштоўнасці
Падтып каштоўнасці
Месца знаходжання
Брэсцкая вобласць, Драгічынскі раён, г. Драгічын, чыгуначная станцыя Драгічын, на паўночна-заходняй ускраіне станцыі Драгічын, на пясчаным узгорку
Датаванне
III-II-е стагоддзі да н.э.
Апісанне
Бескурганны могільнік перыяду ранняга жалезнага веку - размешчаны за 1 км на паўночны захад ад чыгуначнай станцыі Драгічын, абапал дарогі з в. Пярковічы ў в. Брашэвічы, у месцы павароту дарогі на захад, на невялікім пясчаным узгорку.
У 1962 годзе Ю.У. Кухарэнкам і В.Б. Нікіцінай тут былі праведзены раскопкі. На ўскрытым участку на глыбіні 0,5-0,9 м было знойдзена 5 пахаванняў з рэштамі перапаленных касцей нябожчыкаў. У пахаваннях косці знаходзіліся у невялікіх ямках або ў гліняных гаршчках - урнах, накрытых зверху перавернутымі міскамі. Увесь посуд - ляпны. Могільнік належыць пляменам паморскай культуры, з'яўляецца адным з самых усходніх могільнікаў дадзенай культуры.
У 1985 г. могільнік абследаваў В.С. Вяргей, у 2011 г. - А.Ф. Касюк. Абследванні выявілі, што ў цэнтральнай частцы помніка знаходзіцца стары кар'ер, на паўднёва-заходнім участку пабудаваны асфальтавы завод.
Сартаваць па