Шыфр
113В000695
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
ІІ ст. да н.э. - ІІ ст. н.э.
Бескурганны могільнік перыяду ранняга жалезнага веку знаходзіцца на паўночна-ўсходняй ускраіне аг. Рамель, ва ўрочышчы Ляшча. Датуецца II ст. да н.э – II ст. н.э. Належаў плямёнам зарубінецкай культуры.
Упершыню помнік адкрыў і ўвёў у навуковы зварот у 1954 г. Ю.У. Кухарэнка, даследаванні адбываліся ў 1954 – 1955 гг. Ю.У. Кухарэнкам, у 1967 г. – К.В. Каспаравай.
Падчас даследаванняў былі выяўлены 7 пахаванняў. У пахавальным інвентары пераважалі гліняныя пасудзіны, якія размяшчаліся з усходняга боку ад рэшткаў крэмацыі. У пахаваннях трапляецца ад 1 да 3 пасудзін рознага прызначэння. Посуд пераважна карычневы глянцаваны. У 2 пахаваннях было знойдзена па адной сярэднелатэнскай фібуле.