Брацкая магіла

У 1975 г. у гонар Асіповіцкіх падпольных райкомаў КП(б)Б і ЛКСМБ, Асіповіцкай ваенна-аператыўнай групы пабудаваны мемарыяльны комплекс. У комплекс уключаны 40 магіл, у якіх пахаваны 80 партызан Асіповіцкай ваенна-аператыўнай групы, што загінулі ў баях супраць нямецка-фашысцкіх акупантаў. Перад магіламі на бетанаванай пляцоўцы пастаўлены цэнтральная стэла, на якой рэльефныя выявы 2 партызан, жанчыны і дзіцяці, і 5 больш нізкіх стэл, на 3-х з іх прозвішчы пахаваных партызан, на 2-х рэльефныя выявы, прысвечаныя партызанскім будням, і надпісы-прысвячэнні.