Брацкая магіла

Тэрыторыя Вілейскага раёна была занята нямецка-фашысцкімі захопнікамі 25 чэрвеня 1941 г., праз тры дні пасля пачатку вайны. Захопленыя тэрыторыі былі часткова падначаленыя нямецкаму вайсковаму камандаванню, а часткова грамадзянскай акупацыйнай адміністрацыі. Тры доўгія цяжкія гады працягвалася акупацыя. У баях за вызваленне раёна разам з савецкімі воінамі актыўны ўдзел прымалі партызаны Вілейшчыны. Воіны і партызаны, якія загінулі ў баях з нямецка-фашысцкімі захопнікамі ў 1941 - 1944 гг. пахаваны ў брацкай магіле ў скверы.