Адпраўлена!

Памылка!

Брацкая магіла

Цiкавае

Змест

Звесткі аб каштоўнасці

Шыфр

213Д000303

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Віцебская вобласць, Віцебскі раён, в. Старое Сяло, у цэнтры вёскі, вул. Полацкая, каля дарогі

Датаванне

1944 г.

Апісанне

Брацкая магіла знаходзіцца ў цэнтры вёскі па вул. Полацкая бліз дому №44 ля дарогі. Тут пахаваны 4222 савецкіх воіна, якія загінулі ў 1943-1944 гг. у барацьбе супраць нямецка-фашысцкіх захопнікаў на тэрыторыі Старасельскага (Лятчанскага) сельсавета Віцебскага раёна. Сярод пахаваных – Герой Савецкага Саюза У. П. Краеў.

Краеў У.П. - лейтэнант, камандзір танка 259-га танкавага батальёна 143-й танкавай брыгады. У час прарыву варожай абароны 6 кастрычніка 1943 г. ў раёне вёсак Рассядзенне і Вялікая Будніца Мехаўскага раёна Віцебскай вобласці танк У.П. Краева знішчыў процітанкавую гармату і 3 агнявыя кропкі. Пры разведцы каля в. Востраў захапіў батарэю баявых гармат і склад боепрыпасаў. Рухаючыся па прасёлках, адрэзаў адыход калоны ворага. Каля в. Марчанкі на працягу 2-гадзіннага бою знішчыў 2 гарматы і 5 кулямётаў, 3 аўтамашыны з грузам і да 20 гітлераўцаў, а каля в. Жукава – 3 кулямёты і 2 аўтамашыны. 9 кастрычніка 1943 г. У.П. Краеў быў цяжка паранены, але не пакінуў поля бою. Загінуў у баі 10 лютага 1944 г. 4 чэрвеня 1944 г. У.П. Краеву прысвоена званне Героя Савецкага Саюза.

У 1954 г. на магіле ўсталяваны абеліск, у 2009-2010 гг. праведзена рэканструкцыя пахавання, пастаўлены помнік з зоркай, надмагіллі з імёнамі загінуўшых байцоў. У 2016 г. пастаўлены помнік – БМП. У 2025 г. былі ўстаноўлены новыя пліты.