Брацкая магіла

Помнік на брацкай магіле каля в. Байдакі пастаўлены ў памяць аб загінуўшых воінах 159-га стралковага палка 64-й стралковай дывізіі, якія ў першыя дні вайны абаранялі сталіцу Беларусі - Мінск.64-я стралковая дывізія пачала фарміравацца ў 1925 г. у Смаленску. Фарміраванне адбывалася з часцей праслаўленай у гады грамадзянскай вайны 27-й Чырвонасцяжнай Омскай стралковай дывізіі. У 1939 г. у складзе дывізіі былі наступныя часці і падраздзяленні: 30-ы стралковы полк, 159-ы стралковы полк, 288-ы стралковы полк, 163-і лёгкі, 219-ы гаўбічны артылерыйскія палкі, 73-і асобны разведвальны, 106-ы асобны сапёрны, 65-ы асобны медыка-санітарны, 82-і асобны сувязі батальёны, 170-ы асобны знішчальна-процітанкавы дывізіён, іншыя падраздзяленні.