Брацкая магіла

На заходняй ускраіне в Юзуфова ў брацкай магіле пахаваны савецкія воіны 352-й стралковай дывізіі, партызаны і мірныя жыхары, якія загінулі ў пачатку ліпеня 1944 г. пры вызваленні раёна ад нямецка-фашысцкіх захопнікаў.Вызваленне Мінска і Мінскага раёна (Мінская аперацыя) было састаўной часткай Беларускай наступальнай аперацыі пад кодавай назвай "Баграціён". Гэта аперацыя працягвалася з 23.06 да 29.08.1944 г. і закончылася акружэннем, знішчэннем і ўзяццем у палон стотысячнай нямецкай групоўкі армій "Цэнтр" і выхадам Чырвонай Арміі на заходнюю мяжу СССР.