Адпраўлена!

Памылка!

Брацкая магіла

Цiкавае

Змест

Звесткі аб каштоўнасці

Шыфр

213Д000424

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Віцебская вобласць, Докшыцкі раён, г. Докшыцы, пл. Палявога

Датаванне

1941-1944 гг.

Апісанне

Брацкая магіла знаходзіцца у г. Докшыцы ў скверы. Тут пахаваны 101 воін і 29 партызан, якія загінулі ў Вялікую Айчынную вайну. Сярод пахаваных воіны 306-й стралковай дывізіі, 43-й арміі і партызаны брыгады “Жалязняк”. Таксама тут увекавечаны герой Савецкага Саюза Іван Сцяпанавіч Палявы.

Маёр І.С. Палявы быў намеснікам камандзіра 132-га бамбардзіровачнага авіяпалка 334-й бамбардзіровачнай авіядывізіі 3-й паветранай арміі 1-га Прыбалтыйскага фронту. За час свайго ўдзелу ў вайне ён здзейсніў 125 баявых вылетаў на баявую тэхніку і жывую сілу праціўніка. 20 жніўня 1944 г. падчас выканання баявога задання па бамбардзіроўцы чыгуначнай станцыі Мажэйкяй Літоўскай ССР Палявы быў паранены, але здолеў выканаць задачу. Падчас вяртання Палявы страціў шмат крыві і загінуў пры падзенні самалёта.

У 1963 г. з навакольных вёсак пахаваныя там салдаты і партызаны былі перапахаваныя у брацкую магілу ў Докшыцах. У той жа час на магіле быў устаноўлены помнік.

У 2016 г. быў праведзены рамонт помніка з заменай абліцоўкі і дэмантажом клумбаў.