Брацкая магiла

Брацкая магіла знаходзіцца ў цэнтры вёскі ў парку, на тэрыторыі Расненскага сельскага Савета. Тут пахаваны 118 воінаў Чырвонай Арміі, якія загінулі ў баях з фашыстамі ў 1943 - чэрвені 1944 гг. У 1941-1945 гг. на франтах вайны і ў партызанскай барацьбе загінулі 233 жыхары з вёсак калгаса імя Кірава (у т.л. з в. Крычаватка - 27). На ўшанаванне іх памяці ў 1948 г. пастаўлены помнік, які прадстаўляе сабой абеліск у выглядзе піраміды з пяціканцовай зоркай на пастаменце, побач дошкі з імёнамі загінуўшых.