Брацкая магiла

Брацкая магіла размешчана ў цэнтры пасёлка Вялікі Мох. У ёй пахаваны 27 воінаў, якія загінулі ў гады Вялікай Айчыннай вайны у перыяд абароны раёна ў жніўні 1941 г. і ў перыяд вызвалення раёна ў верасні 1943 г.

У 1950 г. у адну аб'яднаную брацкую магілу, размешчаную на тэрыторыі торфазавода "Вялікі Мох", былі перенесены брацкія магілы з сельскіх Саветаў - Гусарскага, Кісялёва-Будзянскага, Звянчацкага, Мілаславіцкага, Склімінскага, Макеевіцкага, Пуцімельскага і Галіцкага. 

У 1949 г. на брацкай магіле быў  устаноўлены драўляны абеліск. 

На сённяшні дзень на брацкай магіле ўстаноўлены мармуровы падмурак з чорнай мармуровай плітой, на якую нанесены спіс прозвішчаў пахаваных тут воінаў.