Брацкая магіла

Брацкая магіла знаходзіцца каля сельскага дома культуры. Пахаваны 236 воінаў, якія загінулі пры фарсіраванні р. Днепр і вызваленні вёсак Крупейкі і Шчытцы ў кастрычніку 1943 г. Перазахаванне адбылося ў 1957 г. У 1973 г. на брацкай магіле быў устаноўлены помнік-скульптура воіна (з бетону)  ў касцы з аўтаматам, паднятым уверх, з салдацкай накідкай на плячах. Надмагіллі з мармуровымі плітамі, на якіх- імёны загінуўшых. Уздоўж помніка ўстаноўлены тумбы з імёнамі пяці пахаваных Герояў Савецкага Саюза. У 2004 г. помнік рэстаўрыраваны, добраўпарадкавана тэрыторыя пахавання. У 2012 г. устаноўлена дадатковая надмагільная пліта з імёнамі загінуўшых воінаў.