Адпраўлена!

Памылка!

Брацкая магiла

Цiкавае

Змест

Звесткі аб каштоўнасці

Шыфр

513Д000520

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Магілёўская вобласць, Слаўгарадскі раён, г. Слаўгарад, вул. Ленінская, у парку

Датаванне

1941, 1944 гг.

Апісанне

Брацкая магіла знаходзіцца ў г. Слаўгарад на вул. Ленінская, у парку. Пахаваны 935 воінаў, якія загінулі ў 1941-1943 гг. у баях супраць нямецка-фашысцкіх захопнікаў. Сярод пахаваных воіны 362 стралковай дывізіі 3-й арміі Беларускага фронту. У ходзе Гомельска-Рэчыцкай наступальнай аперацыі савецкіх войск часці дывізіі пад камандаваннем М.Ф. Пухоўскага 22.11.1943 г. прарвалі абарону праціўніка на р. Сож і 25.11.1943 г. вызвалілі Слаўгарад.

У 1968 г. на брацкай магіле пастаўлены помнік: двухфігурная скульптурная кампазіцыя воіна і партызанкі.

У жніўні 2011 г. у брацкай магіле былі ганарова перазахаваны астанкі трох байцоў Чырвонай Арміі. Два з іх - невядомыя, знойдзеныя ў ліпені 2011 г. падчас сумеснай экспедыцыі пошукавых атрадаў “Броня” з г. Арзамаса Ніжэгародскай вобласці Расіі і “Наследие” г. Слаўгарада. Трэці - Чэхік’ян Хачык Самуілавіч, знойдзены падчас земляных работ на дамбе каля в. Курганаўка Слаўгарадскага раёна.

У выніку сумеснай пошукавай дзейнасці атрадаў “Броня” з г. Арзамаса і “Наследие” г. Слаўгарада былі высветлены яшчэ некалькі дзесяткаў імёнаў байцоў 137-й стралковай дывізіі, у гонар якіх каля падножжа помніка, у 2011 г. былі ўсталяваны 2 мемарыяльныя дошкі.

Летам 2015 г. было зроблена яшчэ адно перазахаванне воінаў і ўсталявана пліта з 15 імёнамі загінуўшых. У ліпені 2016 г. адбылося перазахавнне 8 чырвонаармейцаў, што былі знойдзены падчас пошуковай экспедыцыі атрадамі “Наследие” г. Слаўгарада, “Рассвет” г. Арзамаса і 52-га пошуковага батальёна Міністэрства абароны Рэспублікі Беларусь.