Брацкая магіла
Брацкая магіла
Змест
Звесткі аб каштоўнасці
Шыфр
213Д000642
Катэгорыя каштоўнасці
Тып каштоўнасці
Падтып каштоўнасці
Месца знаходжання
Віцебская вобласць, Полацкі раён, в. Бабынічы, с/с Бабыніцкі
Датаванне
1941 г. - 1944 г.
Апісанне
Брацкая магіла, у якой пахаваны 14 воінаў і партызан, размешчана ў цэнтры вёскі на ўзгорку ля возера Нясіта, на зялёнай зоне сярод дрэў. Тэрыторыя магілы ўяўляе сабой участак прамавугольнай формы ў плане памерам 10, 50x10, 50 м, абнесены празрыстай агароджай з арматуры вышынёй 0, 80 м, афарбаванай у светла- зялёны колер. Па цэнтры агароджанага ўчастка збудавана аб'ёмная кампазіцыя, якая складаецца з фігуры салдата, пастаўленай на масіўны п'едэстал з жалезабетону квадратнай у плане формы памерамі 7, 00x7, 00 м, вышынёй 2, 50 м, які афарбаваны ў шэры колер. П'едэстал у сваю чаргу ўстаноўлены на трохпрыступкавым стылабаце квадратнай у плане формы памерамі 10, 50x10, 50 м, абліцаваны бетоннай пліткай светла-шэрага колеру 0, 30x0, 30 м, агульнай вышынёй 0, 50 м.
У 1960 г. пастаўлены помнік - скульптура воіна. Скульптура салдата ўвасабляе сабой вобраз воіна-вызваліцеля, які схіліў галаву ў памяць аб загінуўшых. У адной руцэ салдата сціснута пілотка, другой рукой прытрымлівае схілены сцяг, на плечы накінута плашч-палатка.
Доступ да аб'екта