Адпраўлена!

Памылка!

Брацкая магіла

Цiкавае

Змест

Звесткі аб каштоўнасці

Шыфр

213Д000662

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Віцебская вобласць, Полацкі раён, в. Домнікі

Датаванне

1941 г.

Апісанне

Брацкая магіла ў в. Домнікі знаходзіцца на ўсходнім ускрайку вёскі на прыродным узвышшы.

Большую частку пахаваных складаюць байцы 354-й стралковай дывізіі (365-га і 421-га стралковых палкоў), якія загінулі ў баях за вызваленне Полаччыны ад нямецка-фашысцкіх захопнікаў у перыяд з канца 1943 па ліпень 1944 гг. Пасля вайны сюды былі перапахаваны воіны з брацкіх магіл з вёсак Сяліба, Казыры, Кулькі, Ліпнікі, Лысае і інш.

У 1965 г. на магіле быў пастаўлены абеліск.

Згодна са спісам імён, пазначаных на мемарыяльных дошках, у брацкай магіле пахаваны 750 байцоў і партызан.

Акрамя гэтага, на тэрыторыі брацкай магілы знаходзіцца індывідуальная магіла, у якой пахаваны ўраджэнец вёскі Токарава Полацкага раёна Лазар Кірылавіч Даніленка, які загінуў у Карэліі. Перапахаванне адбылося 7 мая 2014 г. Побач, у асобнай магіле, пахавана 28 невядомых байцоў Чырвонай Арміі, якія загінулі ў 1944 г. пры вызваленні в. Кулькі. Астанкі байцоў, знойдзеныя ў к. 1990-х – пач. 2000-х гг. пры ўдзеле Ваенна-патрыятычнага клуба “Разведчыкі воінскай славы” пад кіраўніцтвам Трапезнікавай Я. А., па рашэнню кіраўніцтва Полацкага райвыканкама былі перанесены ў асобнае пахаванне на тэрыторыю брацкай магілы в. Домнікі.

У перыяд з 2008 па 2015 гг. на тэрыторыі пахавання былі праведзены работы па замене агароджы і мемарыяльных дошак на абеліску. У 2019 г. праведзены работы па замене мемарыяльных пліт на канструкцыях, устаноўленых на тэрыторыі помніка.