Брацкая магіла

Помнік знаходзіцца на абочыне шашы Светлагорск-Мінск каля аграгарадка Чыркавічы. Уяўляе сабой пастамент, на якім знаходзіцца скульптура воіна, які схіліўся на адно калена. У адной руцэ воін трымае каску, у другой - лаўровы вянок. На грудзях у салдата вісіць аўтамат. На касцы - выява чырвонай зоркі. Спераду на пастаменце знаходзіцца выява ордэна Айчыннай вайны. Справа і злева ад помніка знаходзяцца пліты з імёнамі загінуўшых. Помнік абнесены металічнай агароджай. Усяго пахавана 3289 салдат. Гэта самае буйнае пахаванне савецкіх воінаў на тэрыторыі раёна.