Брацкая магіла

         Брацкая магіла савецкіх воінаў і партызан, воінскае пахаванне - з'яўляецца помнікам гісторыі. Размешчана ў г.п. Камарын (вул. Леніна), Брагінскагага раёна Гомельскай вобласці.

­­          Тэрыторыя помніка з трох бакоў абгароджана кованым плотам і выбрукаваная бардзюрнай пліткай.

         Тут пахаваныя воіны 15-га стралковага корпуса 13-й арміі, якія загінулі ў верасні 1943 г. пры фарсіраванні Дняпра і вызваленні г.п. Камарын, вёсак Новая Ёлча, бярозкі і інш. ад нямецка-фашысцкіх захопнікаў, а таксама партызаны. Увекавечаны імёны герояў Савецкага Саюза Араза Анаеў( Аннаева), Васіля Іларыёнавіча Баяркіна, Дзмітрыя Фёдаравіча Грачушкіна, Мікалая Данілавіча Грышчанкі, Ерамея Іванавіча Данільянца, Фёдара Кірылавіча Паўлоўскага, Мікалая Аляксандравіча Якаўлева.

        У 1957 на магіле ўсталяваны помнік з бетону, які ўяўляе сабой скульптуру воіна, які трымае ў руцэ галаўны ўбор і вянок са стужкай на пастаменце.