Адпраўлена!

Памылка!

Брацкая магіла

Цiкавае

Змест

Звесткі аб каштоўнасці

Шыфр

213Д000233

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Віцебская вобласць, Верхнядзвінскі раён, в. Вопытная

Датаванне

1944 г.

Апісанне

Брацкая магіла знаходзіцца ў прысядзібным парку каля фрагментаў былога маёнтка Нітаслаўскіх у цэнтры в. Вопытная. Тут пахаваны 115 савецкіх воінаў і партызан, якія загінулі ў баях ці памерлі ад ран у ліпені 1944 г. падчас вызвалення Дрысенскага раёна (праца па ўдакладненні колькасці і вызначэнні прозвішчаў пахаваных вядзецца).

У в. Вопытная (ранейшая назва Бігосава) у былым панскім палацы быў арганізаваны шпіталь. Памерлыя воіны былі пахаваныя ў магілах, якія выкопвалі ў парку. Да юбілею Перамогі астанкі памерлых былі перанесены ў брацкую магілу ў цэнтры парка. На месцы былых асобных пахаванняў усталяваны камяні з чырвонымі зоркамі.

У 1975 г. на магіле была ўстаноўлена стэла з імёнамі загінуўшых. На помніку змешчаны таксама імёны загінуўшых і першасна пахаваных у вёсках Маразы, Стаклы, Цынгелі і інш. на тэрыторыі Бігосаўскага сельсавета; перапахаванне з іх праводзілася падчас кампаніі да 10-годдзя Перамогі часткова, падчас сімвалічна.