Брацкая магіла

Брацкая магіла чырвонаармейцаў знаходзіцца на грамадзянскіх гарадскіх Пятроўскіх могілках г. Лепеля. Мемарыял уяўляе абеліск, які складаецца са стэлы з чырвонай зоркай, устаноўленай на высокім пастаменце і брацкай магілы.

Пахаванне агароджана высокім бардзюрам (4 м х 1,65 м вышынёй 0,5 м), трэцяя частка якога з паўднева-заходняга боку зацэментавана цалкам і на ёй пастаўлены пастамент са стэлай, наверсе якой усталявана чырвоная зорка.

У цэнтральнай і паўночна-ўсходняй частцы цэментавай агароджы на магіле маецца вялікае гіаглыбленне (2,10 м х 1,15 м), запоўненае зямлёй для пасадкі кветак.

Пастамент прамавугольнай формы з мармуру (0,95 м х 0,9 м) вышынёй 1,10 м. На пярэдняй сцяне пастамента прымацавана балтамі пліта з мармуру памерам 0,5 м х 0,6 м. з надпісам: «Тут пахаваны/ 18 чырвонаармейцаў/ 17 з іх растрэляны/ германскімі акупантамі у /1918 годзе/ 1 закатаваны польскі/мі інтэрвентамі у 1919 годзе”.

На пастаменце ўсталявана стэла шэрага колеру (памерам 0.55 м х 0,5 м i вышынёй 1,7 м), кожны вертыкальны бок якой складаецца з дзвюх пліт. На стэле з паўночна-усходняга боку прымацавана балтамі прамавугольная пліта памерам 0,6 м х 0,34 м. з прозвішчамі пахаваных: «чырвонаармейцы/ Шпілеўскі П.І./ Быкаў Ф.Ф./ Іваноўскі І.Т./ Аксяновіч С.Н./ Кажэмскі П.Ф./ Рыбакоў Н.Т./ Грыдзюшка Г.М./Салін А.М./ Азаронак С.В.”

Завяршае кампазіцыю вырабленая з металу і ўсталяваная наверсе стэлы пяціканцовая чырвоная зорка вышынёй 0.45 л/.