Адпраўлена!

Памылка!

Брацкая магіла

Цiкавае

Змест

Звесткі аб каштоўнасці

Шыфр

213Д000542

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Віцебская вобласць, Лёзненскі раён, в. Смародзінка, 1 км на паўднёвы ўсход ад вёскі з паўднёвага боку ад аўтамабільнай дарогі Р-21 "Віцебск - граніца Расійскай Федэрацыі (Лёзна)"

Датаванне

1944 г.

Апісанне

Брацкая магіла знаходзіцца ў 1 км на паўднёвы ўсход ад в. Смародзіна, з паўднёвага боку ад аўтамабільнай дарогі Р-21 "Віцебск - мяжа Расійскай Федэрацыі (Лёзна)". Тут пахаваны воіны савецкай арміі, якія загінулі ў чэрвені 1944 г. пры вызваленні Лёзненскага раёна ад нямецка-фашысцкіх захопнікаў.

Сярод пахаваных - Герой Савецкага Саюза Павел Дзмітрыевіч Рэшатаў.

Камандзір кулямётнага разліку П.Дз. Рэшатаў вызначыўся пры вызваленні Бешанковіцкага раёна. Ноччу 22.06.1944 г. каля вёскі Абухова батальён, у складзе якога ваяваў кулямётны разлік сяржанта Рэшатава, быў атакаваны фашыстамі, якія спрабавалі вырвацца з віцебскага "катла”. Разлік першы адкрыў агонь па ворагу і знішчыў галаўную частку фашыстаў. Але гітлераўцы працягвалі атакі. Хутка кулямётны разлік выйшаў са строю. Тады П.Дз. Рэшатаў пачаў сам ва ўпор расстэльваць акупантаў. Знішчыў каля 140 салдат і афіцэраў. Калі скончыліся патроны, ён падпусціў фашыстаў бліжэй і апошняй гранатай падарваў сябе і яшчэ чатырох гітлераўцаў.

За выключную мужнасць і адвагу, праяўленыя ў барацьбе з нямецка-фашысцкімі захопнікамі, Указам Прэзідыума Вярхоўнага Савета СССР ад 24.03.1945 г. Паўлу Дзмітрыевічу Рэшатаву было пасмяротна прысвоена званне Героя Савецкага Саюза. Імем П.Дз. Рэшатава названа адна з вуліц г.п. Лёзна.