зваротная сувязь
Калі вы заўважылі недакладнасць, ці маеце пытанне - лістуйце:
Брацкая магіла
Шыфр
213Д000167
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1944 г.
Апісанне
Брацкая магіла размяшчаецца на ўсходняй ускраіне вёскі Фролкавічы, з правага боку ад дарогі Бешанковічы - Ула. Тут пахаваны 1 партызан і 3 воіна, адзін з якіх загінуў пры абароне Бешанковічцкага раёна ў 1941 г., астатнія - ў 1944 г. у баях пры вызваленні Бешанковіцкага раёна ад нямецка-фашысцкіх захопнікаў у Вялікую Айчынную вайну.
Сярод пахаваных - Герой Савецкага Саюза Мікалай Васільевіч Крапцоў-Зайчанка.
Камандзір узвода разведкі 977-га стралковага палка 270-й стралковай Дзямідаўскай дывізіі 6-й гвардзейскай арміі 1-га Прыбалтыйскага фронту гвардыі лейтэнант М.В. Крапцоў-Зайчанка на фронце са студзеня 1942 г. Вызначыўся пры фарсіраванні Заходняй Дзвіны. 26.06.1944 г. у раёне в. Надзежына Шумілінскага раёна. Узвод пад яго камандаваннем пераправіўся на левы бераг ракі, першым авалодаў траншэямі праціўніка, захапіў і расшырыў плацдарм. У гэтым баі М.В. Крапцоў-Зайчанка загінуў. У 1945 г. пасмяротна быў удастоены звання Героя Савецкага Саюза.
У 1969 г. на брацкай магіле пастаўлены помнік - скульптура воіна, які стаіць на калене, з аўтаматам ва ўзнятай правай руцэ і каскай у левай. Перад пастаментам 1 надмагільная пліта з імёнамі загінуўшых.
Сартаваць па