Адпраўлена!

Памылка!

Брацкая магіла

Цiкавае

Змест

Звесткі аб каштоўнасці

Шыфр

213Д000837

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Падтып каштоўнасці

Ваенныя пахаваннi

Месца знаходжання

Віцебская вобласць, Шаркаўшчынскі раён, в. Гарадзец, вул. Зарэчная, у скверы каля палаца

Датаванне

1941 - 1944 гг.

Апісанне

Брацкая магіла знаходзіцца на тэрыторыі былой сядзібы Зіберг-Плятэра, у паўднёва-заходнім куце партэра. Тут у адной магіле пахаваны 9 савецкіх ваеннапалонных, расстраляных нямецка-фашысцкімі акупантамі ў 1942 г., у другой магіле - партызанская разведчыца А.Д. Бельская, якая загінула 27 красавіка 1944 г.

Анастасія Давыдаўна Бельская з першых дзён арганізацыі партызанскіх атрадаў у лясах былых Пліскага і Дзісенскага раёнаў стала іх разведчыцай. Распаўсюджвала сярод насельніцтва лістоўкі, зводкі Саўінфармбюро, збірала і перадавала партызанам звесткі аб дыслакацыі і перамяшчэнні варожых вайсковых часцей, вяла дыверсійную работу ў тыле ворага, узарвала фашысцкую камендатуру ў Глыбокім. У красавіку 1944 г. партызаны вырашылі разграміць нямецкі гарнізон у цэнтральнай сядзібе саўгаса "Гарадзец". Разам з двума таварышамі ў разведку пайшла А. Бельская. Яны патрапілі ў варожую засаду. Бельская была цяжка паранена ў нагу, трапіла ў палон, пасля катаванняў 27.04.1944 г. была растраляна.

У 1957 г. на магілах пастаўлены 2 абеліска. Паміж помнікамі размешчана прамавугольная стэла шэрага колеру з надпісамі. Помнікі і стэла абнесены невысокай жалезнай агароджай, унутры тэрыторыя выкладзена пліткай.