Брацкая магіла

Размешчана ў паўднёвай частцы грамадзянскіх могілак. Пахаваны 131 воін Чырвонай Арміі, якія загінулі ў баях пры абароне г. Заслаўя ў чэрвені 1941 г. і пры вызваленні горада ў 1944 г. Сярод іх -- воіны 159 стралковага палка 64-й стралковай дывізіі, 16-га Дзяржынскага пагранатрада, 88-й зброевай майстэрні і 109 невядомых. Побач справа ў другой брацкай магіле пахаваны 5 партызан, растраляных 29.06.1942 г. нямецка-фашысцкімі акупантамі. На магілах пакладзены надмагільныя гранітныя пліты з прозвішчамі загінуўшых. Тэрыторыя вакол магіл добраўпарадкавана і абнесена агароджай -- ланцуг на чыгунных слупах.