Брацкая магіла савецкіх воінаў

Брацкая магіла савецкіх воінаў знаходзіцца на паўночнай ускраіне в. Кашовае. У ёй пахаваны 106 воінаў Чырвонай Арміі, якія загінулі ў кастрычніку-лістападзе 1943 г. пры вызваленні вёсак: Кашовае,  Першамайск, Рудня-Каменева; урочышч: Залессе, Найдзён, Ражок. Прозвішчы 10 пахаваных воінаў невядомыя. У 1956 г. адбылося перазахаванне ў брацкую магілу в. Кашовае рэштак савецкіх воінаў з навакольных вёсак. Быў устаноўлены абеліск (з цэглы) і надмагіллі (з бетону). На абеліску - выява ордэна Айчыннай вайны і металічная пліта з тэкстам. На надмагіллях устаноўлены мармуровыя пліты з імёнамі загінуўшых воінаў.