зваротная сувязь
Калі вы заўважылі недакладнасць, ці маеце пытанне - лістуйце:
Брацкая магіла воінаў Савецкай Арміі
Шыфр
313Д000623
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1941 – 1944 гг.
Апісанне
Брацкая магіла знаходзіцца насупраць дома па вул. Кірава, 114 у аг. Заполле. Па дадзеных на 01.04.2023 г. тут пахаваны 233 воіна, якія загінулі ў 1941-44 гг. у баях супраць нямецка-фашысцкіх захопнікаў. Сярод пахаваных - воіны 3-й арміі 1-га Беларускага фронту, Герой Савецкага Саюза - Пётр Сяргеевіч Прыходзька.
Камандзір кулямётнага ўзвода старшы сяржант П.С. Прыходзька вызначыўся ў чэрвені 1944 г. у час прарыву абароны праціўніка ў Гомельскай вобласці. Пры фарсіраванні р. Друць каля Рагачова выбухам снарада быў пашкоджаны штурмавы мост. П.С. Прыходзька кінуўся ў ваду, пад агнём праціўніка падтрымліваў насціл маста, па якім праходзілі воіны з узбраеннем. Адзін з першых уварваўся ў варожыя траншэі і кулямётным агнём забяспечваў наступленне пяхоты. Цяжка паранены працягваў камандаваць узводам. У баі за чацвёртую лінію траншэй праціўніка зноў быў цяжка паранены. Памёр ад ран 26.06.1944 г. Званне Героя Савецкага Саюза прысвоена 23.08.1944 г.
У 1964 г. на магіле пастаўлены помнік - скульптура воіна.
Сартаваць па