Брацкія магiлы

 Аграгарадок Самахвалавічы размешчаны пры аўтамагістралі Мінск - Слуцк (Р23), на 11 км на поўдзень ад Мінска. Тут пахаваны старшыня Самахваліцкага валаснога рэўкома І. Жрэдаў і загадчык харчаддзела рэўкома В. Лапацік, якія загінулі 11.12.1917 г. у баі супраць контррэвалюцыянераў. Побач - брацкая магіла 150 воінаў, што загінулі ў ліпені 1944 г. пры вызваленні вёскі ад нямецка-фашысцкіх акупантаў. У мемарыяльны комплекс уваходзіць: абеліск на магіле супрацоўнікаў рэўкома (пастаўлены ў 1918 г.), стэла на брацкай магіле савецкіх воінаў і мірных жыхароў (1980 г.), а таксама дошкі з імёнамі загінуўшых воінаў і барэльефам Героя Савецкага Саюза С.М. Кавалёва (1985 г.).