Брацкія магілы

Брацкія могілкі ўяўляюць сабой прасторавы комплекс, які складаецца з помніка - скульптуры воіна (усталявана ў 1969 г.), і восьмі брацкіх магіл. На пастаменце скульптура салдата з аўтаматам ва ўзнятых руках. Салдат (апрануты ў палявую форму, пілотку, боты,
плашчпалатку) у пашане схіліў галаву да зброі. На вонкавам баку пастамента помніка планшэт з поліматэрыялу з імёнамі пахаваных. Ля падножжа пастамента бетонная
паверхня з аб’ёмнай лічбай “1945”. Абеліскі на брацкіх магілах тыповай формы (нероўнабокая ўсечаная піраміда) з цэменту, з металічнай зоркай наверсе. На вонкавых баках абеліскаў выціснуты прозвішча, імёны, імёны па бацьку пахаваных, даты жыцця, мемарыяльныя эпітафіі. Тэрыторыя могілак абнесена металічнай агарожай.