Будынак
Будынак
Змест
Звесткі аб каштоўнасці
Шыфр
713Г000018
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1902 г.
Апісанне
Будынак № 3 будаваўся для яўрэйскага першапачатковага з рамесніцкім аддзяленнем вучылішча. Мінскае першапачатковае яўрэйскае вучылішча з рамесніцкім аддзяленнем было заснавана ў 1879 г. з мэтай даць магчымасць дзецям яўрэяў пераважна з бедных сем'яў разам з агульнай пачатковай адукацыяй набываць практычныя веды па некаторых рамёствах: сталярна-такарным, слясарна-кавальскім і інш. У вучылішча прымаліся хлопчыкі ад 13 да 16 гадоў развітыя фізічна. Утрымлівалася вучылішча на сродкі мінскага яўрэйскага таварыства. Спачатку вучылішча знаходзілася ў доме па вул. Раманаўскай (сучасная вул. Раманаўская Слабада). Загадваў ім мінскі равін Абрам Бенядыктавіч Ханелес. У 1921 г. будынак яўрэйскага першапачатковага вучылішча з рамесніцкім аддзяленнем быў муніцыпалізаваны і тут размясцілася прафтэхвучылішча са школамі дрэваапрацоўкі, металаапрацоўкі і паліграфіі. У 1944 г. будынак згарэў. У 1945-1951 г. рэканструяваны з надбудовай трэцяга паверха і прыбудовай новага аб'ёма да крыла па вул. Валадарскага. Крыху пазней фасады патынкавалі і надалі ім новае архітэктурнае рашэнне, што ў значнай ступені сказіла іх гістарычны воблік.
Доступ да аб'екта