Будынак

Будынак № 25 размешчаны на вул. Вялікай. Трасіроўка вуліцы ішла ад плошчы ў паўднёвым напрамку. Гістарычная назва вуліцы - Вялікая, затым у 1920 - 1930-я гг. называлася Барачоўская, пазней Луначарскага. Цяпер вуліцы вернута гістарычная назва. Будынак быў пабудаваны ў 1933-1935 гг. як шматкватэрны дом. Па некаторых звестках тут часова ў канцы 1940-х гг. размяшчаўся райком партыі. Будынак размешчаны традыцыйна - блізка да вуліцы і арыентаваны падоўжным фасадам. Жылы дом аднапавярховы складаны ў плане: зблакаваны з трох секцый. Кожны аб'ём накрыты двухсхільным дахам. Цэнтральны аб'ём выступае накшталт рызаліта на галоўным фасадзе, бакавыя аб'ёмы выступаюць у якасці рызалітаў з боку двара.